تبادل نشطاء علي مواقع التواصل الاجتماعي ''فيسبوك'' و ''تويتر''، مقطع فيديو للملازم أول محمد طارق الوديع، أحد ضباط 8 إبريل، طرح خلاله 3 أسئلة، مضيفًا: ''أنا عامل الفيديو دة عشان أنا عندي إستفسارات مش لاقلها إجابة! ووجهتها بطرق شرعية كتير وتسلسل قيادي وحاولت أوصل صوتي ومحدش عايز يسمع ولا حد عايز يوصل صوتي، قلت أعمل الفيديو دة وأسال فيه اللي عايز أساله وهو هيوصل أكيد يعني''.
وقال ''وديع'' خلال الفيديو : '' أنا من ضباط 8 إبريل إحنا نزلنا مع بعض ميدان التحرير واتحاكمنا مع بعض كان عددنا إللي اتحاكم 22 ضابط وكلنا خدنا تهمة من النيابة العسكرية وهي - إثارة الفتنة بين أفراد القوات المسلحة ونزول ميدان التحرير والإنضمام لصفوف المتظاهرين وإعتلاء المنصات الرئيسية - هذه هي التهمة الموجهة لنا، طيب سؤالي هنا دلوقتي، في 21 ضابط تم الأفراج عنهم لماذا لم يفرج عني؟ ما الفرق بينى وبين زملائي؟ زملائي خرجوا من 4 شهور أنا في السجن بقالي 18 شهر من يوم 8 إبريل 2011 وأنا محبوس .. ليه محدش عايز يجاوبني علي السؤال دة؟''.
وأشار ''وديع'' أن مشكلته كانت مع المشير محمد حسين طنطاوي، رئيس المجلس الأعلي للقوات المسلحة سابقًا، متسائلاً: ''كان دايما بيتقالي إن مشكلتي مع المشير محمد حسين طنطاوي طيب دلوقتي المشير تم إحالته للتقاعد بأمر السيد رئيس الجمهورية، أنا مشكلتي دلوقتي مع مين؟''.
وتساءل ''وديع'' لماذا لم يوافق أحد من المسئولين علي مقابلتي، مضيفًا: ''من يوم ما الفريق السيسي تولي قيادة القوات المسلحة وأنا طالب مكتبه هو والفريق صدقي، وأتصلت باللواء طيار أحمد سَعّاد رئيس فرع التنظيم والإدارة، وقولتله يافندم أنا طالب مكتب سيادة الفريق السيسي، قالي أكتب طلب وابعته باسم الفريق أول عبد الفتاح السيسي والورق راح هيئة تنظيم وادارة ولا حياة لمن تنادي؟''.
ليست هناك تعليقات:
إرسال تعليق